Төраганын орун басары: Доц. д-р Азамат Максүдүнов

Төрага: Проф.Д-р., Сүлейман Барбарос Ялчын 

Төрага орун басары: Доц. доктор. Явуз Эржан ГҮЛ 

Явуз Эржан Гүл билим берүү илимдери тармагында академиялык ишмердүүлүгүн жүргүзүп, өзгөчө билим берүүнүн социалдык, маданий жана философиялык негиздерине көңүл бурат. Ал өзүнүн изилдөөлөрүндө маданияттар аралык контекстте психологиялык жыргалчылык, автономия жана билим берүү процесстеринин өз ара байланышын изилдейт. Эл аралык индекстелген журналдарда жарыялоо максатын көздөгөн Гүл, академиялык эмгектерин теориялык тереңдик жана маданий контекстке сезимталдык менен өнүктүрөт. Азыркы учурда ал Кыргыз-Түрк «Манас» университетинде академиялык ишмердүүлүгүн улантууда.

Төраганын орун басары: Доц. д-р Азамат Максүдүнов

Азамат Максүдүнов 2007-жылы Кыргыз-Түрк «Манас» университетинин (КТМУ) Социалдык илимдер институтунда магистрлик, 2010-жылы докторлук окуусун аяктаган. 2013-жылы КТМУнун Экономика жана башкаруу факультетинин Бизнес башкаруу бөлүмүндө жардамчы доцент болуп эмгек жолун баштап, 2024-жылдын июль айында доцент илимий наамын алган. 2024-жылдын ноябрь айынан тартып КТМУнун Магистратура жана докторантура институтунун директорунун орун басары болуп эмгектенүүдө.

Анын илимий кызыгуулары кызмат көрсөтүүлөр маркетинги, электрондук маркетинг жана ишкердик багыттарын камтыйт. Ошондой эле Түрк дүйнөсүнө арналган илимий иш-чараларга активдүү катышып келет.

Улуттук жана эл аралык илимий журналдарда жарыяланган 44 макаланын, 40 конференциялык баяндаманын, 10 китеп бөлүмүнүн жана 4 китептин автору же тең автору болуп саналат. 2017-жылдын январь–март айларында Индиянын Техникалык жана экономикалык кызматташтык (ITEC) программасынын алкагында Индиянын Ишкердикти өнүктүрүү институтунда, 2021-жылдын май–июнь айларында Германиянын Академиялык алмашуу кызматынын (DAAD) программасынын алкагында Потсдам Колдонмо илимдер университетинде, ал эми 2022-жылдын октябрь айында Орхон алмашуу программасынын алкагында Эге университетинде илимий ишмердүүлүгүн жүргүзгөн.

2023-жылдын июль айынан 2024-жылдын май айына чейин Fulbright программасынын алкагында Флорида Атлантик университетинде чакырылган изилдөөчү болуп иштеп, «Кыргызстанда ишкердик университетин түзүү: трансформациянын жол картасы» аттуу илимий долбоорду ишке ашырган.

2016-жылдын май айында Эл аралык башкарууну өнүктүрүү ассоциациясы (IMDA) тарабынан уюштурулган 26-дүйнөлүк бизнес башкаруу конгрессинде «Эң мыкты баяндама» сыйлыгына ээ болгон. Ошондой эле 2021-жылдын декабрь айында Кыргыз Республикасынын Билим берүү жана илим министрлигинин Ардак грамотасы менен сыйланган.

Мүчө: Доцент, PhD Нажимудинова Сейил Сапарбековна

Доцент, PhD Нажимудинова Сейил Сапарбековна - Кыргыз-Түрк «Манас» университетинин экономика жана башкаруу факультетинин Менеджмент бөлүмүнүн мугалими. 2003-жылы бакалавриат, 2005-жылы магистратураны аяктаган. 2010-жылы ушул эле институтта «Адам ресурстарын башкаруудагы корпоративдик маданияттын мааниси жана орду: Кыргызстандын мисалында» деген темада PhD диссертациясын ийгиликтүү коргогон. 2004-жылдан бери Кыргыз-Түрк Манас университетинин Менеджмент бөлүмүндө академиялык карьерасын улантууда.

Доценттик наамын 2024-жылы алган. 2014-2015-жылдары Борбор Азияны изилдөө борборунун башчысынын орун басары, 2017-2024-жылдары КТМУнун экономика жана башкаруу факультетинин деканынын орун басары болуп иштеген. 2023-жылдын декабрынан бери КТМУнун Сенатынын мүчөсү, 2024-жылдын октябрынан бери КТМУнун ректорунун кеңешчиси, ноябрдан бери Карьераны өнүктүрүү кеңсесинин координатору болуп иштеп келет. 2016-жылдан бери «Манас» коомдук изилдөө журналында секциялык редактору жана редактордун орун басары  болуп иштеп келет. КРнын Билим берүү жана илим министрлигинин Жаш окумуштуулар ассоциациясынын мүчөсү.

Анын илимий кызыкчылыктары жана публикациялары - адам ресурстарын башкаруу, стратегиялык менеджмент, ишкердүүлүк, аял ишкердүүлүгү жана жогорку билим берүү проблематикасына багытталган. Кыргыз, түрк, англис жана орус тилдерин билет.

Мүчө: Доц.м.а. Бактыбек Исаков  

Б. Исаков, 1979 жылы туулган. Бакалавр (2002), илимдин магистри (2005) жана батыш системасына ылайык PhD (2011) илимий даражаларын Кыргыз-Түрк “Манас” Университетинен алган. 2007-2011-жылдар аралыгында Токио Университети (Япония), Цукуба Университети (Япония) жана Кыргыз-Түрк “Манас” Университети (Кыргызстан) тарабынан каржыланган Борбор Азия элдеринин оозеки тарыхы аттуу эл аралык беш жылдык долбоорго катышкан; 2009-жылы АКШнын Гарвард университетинин базасында Дэвис Орус жана Евразия изилдөө борборунда бир семестр окуп келген; 2011-2012 жылдары Бусан чет тилдер университетинде (Түштүк Корея) бир жыл сабак берген жана 2014-2015-жылдары арасында пост-докторалдык илимий изилдөө долбоору (долбоор темасы: Табият эпистемологиясы: Совет дооруна чейинки орто азиялык көчмөн коомдор) менен Падуья Университетинде (Италия) 10 ай изилдөө жүргүзүп, Италиянын жана Германиянын алдыңкы окуу жайларында жана илим изилдөө институттарында лекцияларды окуган. Англис, Түрк жана Кыргыз тилдеринде жазылган 16 илимий жана популярдуу китептердин автору. 40тан ашык англис жана түрк тилдеринде жазылган илимий макаласы бар. 36 жолу дүйнөнүн ар кайсы өлкөлөрүндө илимий доклад жасаган.

Мүчө: Ага окутуучу Сердар АЖАР

Ага окутуучу Сердар Ажар Кыргыз-Түрк “Манас” университетинин Чет тилдер жогорку мектебинин Тил даярдоо бөлүмүндө окутуучу болуп иштейт. Ал бакалаврдык билимди 2015-жылы Ататүрк университетинин Замандын түрк диалекттери жана адабияттары бөлүмүндө, ал эми магистрдик билимди 2019-жылы ошол эле университеттин Түркият изилдөөлөр институтунун Замандын түрк диалекттери жана адабияттары адистиги боюнча аяктаган.

2019-жылдан бери Анкара университетинин Социалдык илимдер институтунда докторантурада билим алып, “Биринчи түркмөн гезити Zakaspiyskaya Tuzemnaya Gazeta / Ruznâme-yi Mavera-i Bahr-i Hazar’a (1914–1917) боюнча Каспийдин ары жагындагы түркмөндөрдө жадидчилик” аттуу диссертациялык ишин жүргүзүүдө.

2021-жылдан тартып Avrasya Yazarlar Birliği жана Bengü Yayınları курамында редакторлук, котормочулук, редактирлөө жана ар кандай административдик кызматтарды аркалап келген. 2023-жылдан бери Кыргыз-Түрк “Манас” университетинде академиялык ишмердүүлүгүн улантууда.

Анын ар кандай илимий эмгектери менен катар көптөгөн адабий журналдарда өз алдынча жана котормо макалалары жарыяланган. Учурда Түркияда үчөө котормо (роман, изилдөө, талдоо) болгон төрт китеби жарык көргөн.

Илимий кызыгуулары жана эмгектери замандын түрк диалекттери жана адабияттары, түрк дүйнөсүнүн адабияты жана түрк жадидчилиги багыттарына багытталган. Англис тилин чет тили катары билет.