09.11.26

Бакуда эки күнгө созула турган «Эл аралык каржы-банк саммити 2026: Түрк мамлекеттеринин глобалдык финансылык интеграциясы» аттуу эл аралык форум өз ишин баштады. Vesti.az агенттигинин маалыматына ылайык, иш-чара Түрк тилдүү мамлекеттердин банктык ассоциациялар кеңешинин (CBATS), Азербайжандын Борбордук банкынын, Казакстандын, Кыргызстандын, Өзбекстандын жана Түркиянын банктык ассоциацияларынын, Казакстандын финансисттер ассоциациясынын жана башка өнөктөш уюмдардын колдоосу менен өткөрүлүүдө.

Саммиттин негизги максаты – каржы жана банк тармагындагы дүйнөлүк тенденцияларды талдоо, аймактык финансылык интеграцияны өнүктүрүү, эл аралык кызматташтыкты чыңдоо, инновациялардын жана туруктуулуктун деңгээлин жогорулатуу, ошондой эле жаңы стратегиялык өнөктөштүктөрдү түзүү.

Иш-чаранын программасына жогорку деңгээлдеги саясий талкуулар, панелдик сессиялар жана B2B форматындагы жолугушуулар кирет. Саммитке банктардын жана каржы институттарынын жетекчилери, технологиялык компаниялардын өкүлдөрү, жөнгө салуучу органдар, кесиптик ассоциациялар, FinTech компаниялары жана стартаптар, эл аралык уюмдар, инвесторлор, эксперттер жана өнүктүрүү институттарынын өкүлдөрү катышууда.

Уюштуруучулардын белгилөөсүндө, форум аймактын каржы лидерлерин, эл аралык эксперттерди жана инновациялык чечимдерди сунуштаган компанияларды бириктирип, кыйла интеграцияланган, туруктуу жана дүйнөлүк деңгээлде өз ара байланышкан финансылык мейкиндик боюнча жалпы көз карашты калыптандырууга багытталган.

https://vesti.az/ekonomika/v-baku-startoval-finansovo-bankovskii-sammit-tyurkskix-gosudarstv-598645