01.02.23
Учурда Азербайжандын экономикалык аймактарында пахта жана жибек өстүрүү боюнча кластерлерин түзүү үчүн инвесторлор менен сүйлөшүүлөр жүрүп жатат.
Бул тууралуу, 2022-жылдын жыйынтыгы боюнча маалымат жыйынында, Азербайжандын Экономикалык аймактарды өнүктүрүү агенттигинин башкармалыгынын төрагасынын орун басары Замир Дибиров билдирди.
Анын айтымында, Экономикалык аймактарды өнүктүрүү агенттиги менен Өзбекстандын “Өзбекипаксаноат” жана “Узтекстильпром” бизнес-ассоциацияларынын ортосунда жибек, пахта жана текстиль өнөр жайын өнүктүрүү боюнча кызматташуу меморандумдарына кол коюлду.
Замир Дибиров: “Биргелешкен кызматташтыктын алкагында, экономикалык аймактарда пахтачылык жана жибек өстүрүүчүлүк кластерлерин түзүү пландаштырылууда. Учурда инвесторлор менен жолугушуулар өткөрүлүүдө. Инвестициялык долбоорлордун техникалык-экономикалык негиздемеси даярдалып, иш-аракеттерди баштоо үчүн жер бөлүү иштери жүрүп жатат”- деп билдирди.
