27.12.24
Азербайжандын, Казакстандын жана Өзбекстандын улуттук энергетикалык компаниялары “Жашыл коридор бирикмеси” биргелешкен ишканасын түзүү боюнча негиздөөчү келишимге кол коюшту.
Бул тууралуу, Азербайжандын Энергетика министри Парвиз Шахбазов X социалдык тармагындагы баракчасында жазды.
Анын айтымында, Бакуда штаб-квартирасы жайгашкан бул биргелешкен ишкана "Азербайжан-Борбор Азиялык жашыл энергетикалык коридор” долбоорун ишке ашыруу жана аймактын энергетикалык келечегин түзүү боюнча маанилүү кадам болуп саналат.
