10.01.25
2024-жылы Кытайдан Ортоңку коридор аркылуу ташылган жүктөрдүн көлөмү 2023-жылга салыштырмалуу 25 эсеге көбөйүп, 27 миң контейнерден ашты.
Бул тууралуу “Азербайжан темир жолдору” (АТЖ) компаниясынын басма сөз кызматынын маалыматына таянып, “Report” агенттиги кабарлады. Компаниянын маалыматына ылайык, инфраструктуранын өнүгүшү Азербайжан аймагынан жылына кеминде 1000 блок-поезд өткөрүүгө мүмкүнчүлүк берет.
Маанилүү окуялардын бири катары, өткөн жылдын март айында Кытайдын Сиань шаарынан Бакуга биринчи контейнердик поезд 11 күндүн ичинде жетип келген. Ал эми ноябрь айында, Азербайжан алгачкы жолу Кытайга жүк ташуучу поезд жөнөтүп, жергиликтүү ишкерлер үчүн жаңы мүмкүнчүлүктөрдү ачкан.
2024-жылы “Баку-Тбилиси-Карс” темир жолунун модернизацияланышы анын товар өткөрүү мүмкүнчүлүгүн жылына 1 миллион тоннадан 5 миллион тоннага чейин көбөйтүүгө шарт түздү.
“Азербайжан темир жолдору” (АТЖ) маалымдагандай, Ортоңку коридор Чыгыш менен Батышты байланыштырган стратегиялык маанилүү маршрут бойдон калууда жана анын потенциалы кеңейүүнү улантууда.
