23.03.25

Азербайжандын маалымат агенттиктеринин билдирүүсүнө ылайык, президент Ильхам Алиевдин тапшырмасы менен Азербайжандын Өзгөчө кырдаалдар министрлиги Кыргызстанга материалдык-техникалык жардам жөнөттү.

Баку эл аралык деңиз соода портунан паром менен жөнөтүлгөн гуманитардык жардам КамАЗ үлгүсүндөгү атайын багыттагы 10 өрт өчүрүүчү унаадан турат. Бул техника Кыргыз Республикасынын Өзгөчө кырдаалдар министрлигинин материалдык-техникалык базасын чыңдоого көмөк көрсөтүү үчүн багытталган жана өрттү натыйжалуу өчүрүү үчүн бардык зарыл техникалык параметрлерге ээ.

Өрт өчүрүүчү унаалар чоң суу сыйымдуулугуна жана алты адамдан турган жеке курамды ташуу мүмкүнчүлүгүнө ээ. Алар өзгөчө жолсуз аймактарда, татаал жана өтүүгө кыйын жерлерде өрттү өчүрүүдө жогорку өндүрүмдүүлүгү менен айырмаланат. Ошондой эле, бул техникалар ишенимдүүлүгү, колдонууга жана тейлөөгө ыңгайлуулугу менен өзгөчөлөнөт.

Бул кадам, Азербайжандын Кыргызстан менен достук мамилелерин чыңдоого жана өлкөдө өзгөчө кырдаалдарга натыйжалуу жооп кайтаруу мүмкүнчүлүктөрүн бекемдөөгө багытталган.

https://www.vb.kg/doc/444163_azerbaydjan_podaril_kyrgyzstany_desiat_novyh_pojarnyh_mashin.html