Истанбул Сабахаттин Заим университетинин Ишмердүүлүк бөлүмүнүн башчысы жана Түркиянын Борбордук банкынын текшерүү кеңешинин мүчөсү, профессор доктор Метин Топрак биздин университеттин окутуучуларына жана административдик кызматкерлерине «Сапат кепилдиги жана аккредитацияда институттук түзүм жана колдонмо стратегиялар: комплекстүү модель сунушу» деген темада семинар өткөрдү.

Семинардын максаты  университет кызматкерлери арасында сапат жана аккредитация темалары боюнча аң-сезимди жогорулатуу жана бул маселелердин реалдуу маанисин түшүндүрүү болчу.

Проф. доктор Топрак сапат жана аккредитация боюнча улуттук жана эл аралык аракеттерди, мыйзамдарды, документтерди жана колдонмолорду кеңири баяндап, бул иш кесипкөйлүк менен жүргүзүлүшү керек экенин баса белгиледи. Анын айтымында, бул процесстер туура ыкма менен жүргүзүлсө, университетке каржылык пайда алып келиши мүмкүн жана ошондуктан бул тармак кесипкөйлөргө тапшырылышы керек. Ошол эле учурда, бул тармакта түз иш алып барбаган окутуучулар менен кызматкерлер дагы бул теманын маанисин түшүнүп, процесстерден кабардар болуп турушу маанилүү.

Проф. доктор Топрак өз сөзүндө сапат жана аккредитация боюнча акыркы талаптарга жооп берген, университетке ашыкча жүк болбой турган жана ресурстарды үнөмдүү пайдаланууга өбөлгө түзгөн жаңы модель сунуштады.