15.06.26
Казакстан ири минералдык-чийки зат базасына ээ. Өлкөнүн мамлекеттик балансында жалпы запасы 2 369 тоннаны түзгөн 374 алтын кени катталган. Өткөн жылы гана мамлекеттик эсепке алтындын болжол менен 98 тонна запасы бар беш жаңы кен коюлган.
Бул маалыматтарды Казакстандын Өнөр жай жана курулуш министрлигине караштуу Өнөр жай комитетинин төрагасы Азамат Панбаев “Astana Mining & Metallurgy 2026” конгрессинин жүрүшүндө билдирди.
Дүйнөлүк Алтын Кеңешинин маалыматы боюнча, Казакстан алтын өндүрүүнүн көлөмү боюнча дүйнөдө 14-орунда турат. 2025-жылы өлкөдө 71,2 тонна тазаланган (аффинаждалган) алтын өндүрүлгөн. Баалуу металлдарды өндүрүү тармагына тартылган инвестициялардын көлөмү 99 млрд теңгеге жетип, мурунку жылга салыштырмалуу 38 пайызга өскөн.
Буга чейин маалымдалгандай, дүйнөнүн борбордук банктары 2026-жылдын апрель айында алтынды таза сатып алууларга кайра кайтып, алдын ала баалоо боюнча, “World Gold Council” (WGC) маалыматына ылайык, алтын-валюта резервдериндеги алтындын көлөмүн болжол менен 17 тоннага көбөйтүшкөн. Эң ири сатып алуучулар Польша (14 тонна), Кытай (8,1 тонна) жана Чехия (2,5 тонна) болду. Ал эми эң ири сатуучулар катары Россия (WGCнин баалоосу боюнча 6,2 тонна) жана Өзбекстан (1,2 тонна) белгиленди.
