26.04.26

2026-жылдын 22–24-апрелинде Өзбекстандын Инвестициялар, өнөр жай жана соода министри Лазиз Кудратов жетектеген делегация Азербайжанга иш сапары менен барып, Экономика министрлигинин өкүлдөрү жана алдыңкы компаниялардын жетекчилери менен сүйлөшүүлөрдү өткөрдү.

Жолугушууларда биргелешкен долбоорлорду ишке ашыруу, өндүрүш кооперациясын өнүктүрүү жана жаңы демилгелерди даярдоо маселелери талкууланды. Ошондой эле тараптар эл аралык урбанистикалык форумга катышуу мүмкүнчүлүктөрүн карап чыгып, өнөр жай кызматташтыгын кеңейтүү жана ишкердик байланыштарды бекемдөө боюнча пикир алышты.

Кызматташуунун артыкчылыктуу багыттары катары тоо-кен өнөр жайы, курулуш материалдарын өндүрүү, транспорт жана логистика, шаар куруу, агроөнөр жай комплекси жана фармацевтика тармактары белгиленди. Мындан тышкары, Баку шаарында “Өзбекстан” паркын, ал эми Ташкентте “Азербайжан” паркын түзүү, дарыкана тармактарын өнүктүрүү жана мөмө-жемиш продукциясын кайра иштетүү боюнча долбоорлор өзүнчө талкууланды.

2025-жылдын жыйынтыгы боюнча эки өлкө ортосундагы товар жүгүртүү 307,3 млн долларды түзүп, өткөн жылга салыштырмалуу 14,6% пайызга өскөн. Бул өз ара экономикалык кызматташтыктын туруктуу өсүп жатканын көрсөтөт.

https://www.uzdaily.uz/ru/uzbekistan-i-azerbaidzhan-rasshiriaiut-promyshlennoe-sotrudnichestvo/