10.06.26
Өзбекстандын президенти Шавкат Мирзиёев коргонуу тармагындагы соңку өнүгүүлөрдү талкуулоо максатында Коргоо министри Шухрат Холмухамедов жана аскердик жетекчилер менен жолугушту. Жолугушууда абадан коргонуу системасы, чек ара коопсуздугу жана аба күчтөрүн модернизациялоо маселелери каралды.
Жыйындын жүрүшүндө, Түркия менен аскердик медицина тармагындагы кызматташтык да күн тартибинде болду. Президент Шавкат Мирзиёевдин ушул жылдын январь айында Түркияга жасаган расмий сапарынын алкагында, эки өлкөнүн ортосунда аскердик медицина жаатында кызматташуу жөнүндө макулдашууга кол коюлган.
Макулдашууга ылайык, дарылоо кызматтары, стоматология жана фармацевтика баш болгон онго жакын багыт боюнча адистерди даярдоо пландалууда. Мындан тышкары, аскердик дарыгерлерди кайра даярдоо жана алардын кесиптик квалификациясын жогорулатууга багытталган биргелешкен программаларды ишке ашыруу пландалууда.
Эки өлкөнүн ортосунда илимий изилдөөлөрдү жүргүзүү, семинарлар менен конгресстерди уюштуруу, биргелешкен билим берүү программаларын өткөрүү, ошондой эле студенттер менен окутуучуларды алмашуу да кызматташуунун негизги багыттарынын бири болуп саналат.
