16.06.26

Будапешт шаарында Түрк мамлекеттер уюмуна (ТМУ) мүчө өлкөлөрдүн салык администрацияларынын жетекчилеринин биринчи жолугушуусу өтүп, анда салык тармагындагы кызматташтыкты чыңдоо жана салыктык башкарууну өркүндөтүү маселелери талкууланды.

Өзбекстандын Салык комитетинин төрагасы Фаррух Пулатов өлкө жетекчилигинин тапшырмасы менен иш-чарага катышты. Жолугушуу түрк мамлекеттеринин салык органдарынын ортосунда көп тараптуу өз ара аракеттенүүнү өнүктүрүүгө жана мамлекеттик башкаруунун натыйжалуулугун жогорулатууга багытталды.

Талкуулардын жүрүшүндө тараптар салык саясаты жана салыктык башкаруу жаатындагы актуалдуу маселелер боюнча пикир алышты. Өзгөчө көңүл салык кызматтарын санариптик трансформациялоого, электрондук кызматтарды өнүктүрүүгө, салыктык көзөмөл механизмдерин өркүндөтүүгө, салык милдеттенмелерин ыктыярдуу аткарууну стимулдаштырууга, ошондой эле көмүскө экономикага каршы күрөшүүгө бурулду.

Жолугушуунун катышуучулары практикалык кызматташууну кеңейтүүгө, тажрыйба алмашууга жана салыктык башкаруу жаатындагы мыкты эл аралык тажрыйбаларды киргизүүгө даяр экендиктерин ырасташты.

Белгиленгендей, Түрк мамлекеттер уюмуна (ТМУ) мүчө өлкөлөрүнүн салык администрацияларынын ортосундагы институттук өз ара аракеттенүүнү өнүктүрүү уюмдун экономикалык интеграцияны тереңдетүүгө, санариптик өнөктөштүктү өнүктүрүүгө жана улуттук экономикалардын атаандаштыкка жөндөмдүүлүгүн жогорулатууга багытталган стратегиялык максаттарына шайкеш келет.

Иш-чара Венгриянын демилгеси менен 2025-жылы Будапештте өткөн Түрк мамлекеттер уюмунун (ТМУ) саммитинин жыйынтыгында жетишилген макулдашууларды ишке ашыруунун алкагында уюштурулду. Жолугушуунун жыйынтыгында, тараптар кесиптик диалогду мындан ары да чыңдоого жана биргелешкен демилгелерди ишке ашырууга кызыкдар экендиктерин билдиришти.

https://www.uzdaily.uz/ru/tiurkskie-strany-obsudili-nalogovoe-sotrudnichestvo/