01.10.2026
Өзбекстандын Фергана облусунун акими Хайрулло Бозоров Түркиялык Хуршит Налли жетектеген “Bademli” кооперативинин делегациясы менен жолугушуу өткөрдү. Тараптар айыл чарба тармагындагы кызматташтыктын келечегин жана жаңы долбоорлорду ишке ашыруу маселелерин талкуулашты.
Жолугушууда көчөт өстүрүү тармагын өнүктүрүүгө өзгөчө көңүл бурулду. Анда түшүмдүүлүгү жогору жана экспортко багытталган мөмө-жемиш өсүмдүктөрүнүн сортторун өстүрүү, отургузуучу материалдарды импорттоо жана заманбап технологияларды киргизүү маселелери каралды.
Фергана облусунун акими Хайрулло Бозоров аймакта мындай долбоорлорду ишке ашыруу үчүн зарыл болгон шарттар жана мүмкүнчүлүктөр бар экенин белгиледи. Түркиялык “Bademli” кооперативинин өкүлдөрү көп жылдык тажрыйбасына таянып, бир катар сунуштарын тааныштырышты.
Тактап айтканда, Түркия тарап заманбап лабораторияларды түзүүнү, квалификациялуу адистерди даярдоону уюштурууну жана көчөт өстүрүү тармагын илимий жана системалуу негизде өнүктүрүүнү сунуштады. Фергана облусунун хокими келечектүү демилгелерди колдоого даяр экенин билдирди. Жолугушуунун жыйынтыгында тараптар бул багытта мындан ары кызматташууну улантуу боюнча макулдашууга жетишти.
