02.09.24
Өзбекстандын эгемендүүлүгүнүн 33 жылдыгына карата “Янги Өзбекстан” паркында салтанаттуу иш-чаралар өткөрүлдү. Президент Шавкат Мирзиёев салтанатта сөз сүйлөп, өлкөнүн эгемендик өнүгүү жылдарында жетишкен ийгиликтерине токтолду. Бул тууралуу, Өзбекстандын президентинин басма сөз кызматы билдирди.
Өз сөзүндө улут лидери улуттук эгемендүүлүктүн маанилүүлүгүн белгилеп, аны Өзбекстандын баа жеткис байлыгы деп атады. Республика эгемендүүлүктүн аркасында анын мамлекеттүүлүгүн кайра жандандырып, жаңы доорго кадам таштоого мүмкүн болду. Шавкат Мирзиёев 2023-жыл тарыхый жыл болгонун белгилеп, Өзбекстандын ички дүң продуктусу (ИДП) тарыхта биринчи жолу 100 миллиард доллардан ашкандыгын билдирди.
Президент ошондой эле жарандардын жашоо сапатын жакшыртууга багытталган терең реформаларга токтолду. Экономиканын жакшырган абалы пенсияларды, социалдык жөлөкпулдарды, ошондой эле бюджеттик мекемелердин кызматкерлеринин, мугалимдердин жана медицина кызматкерлеринин эмгек акысын жогорулатууга мүмкүндүк бергендигин белгилеп өттү.
