14.12.24
Өзбекстандын Фармацевтикалык продукциянын коопсуздук борборунун директорунун орун басары Нозим Бердиев баштаган делегациясы, фармацевтикалык рынокту жөнгө салуу тармагындагы Венгриянын тажрыйбасын изилдөө максатында, Венгрияда иш сапары менен болуп кайтты.
Сапардын алкагында, Өзбекстандын өкүлдөрү Венгриянын Улуттук коомдук саламаттыкты сактоо жана фармацевтика борборунун (NNGYK) жетекчиси, доктор Сесилия Мюллер менен жолугушту.
Жолугушууда фармацевтикалык тармактагы кызматташуунун келечектүү багыттары, биргелешкен долбоорлорду ишке ашыруу жана Венгриянын фармацевтикалык өнөр жайынын алдыңкы тажрыйбасына негизделген жаңы технологияларды трансфер кылуу маселелери талкууланды.
Ошондой эле Өзбекстанда биологиялык активдүү кошулмаларды жөнгө салуу боюнча улуттук системаны өркүндөтүү жана адистердин квалификациясын жогорулатуу маселеси каралды.
Венгриянын Улуттук коомдук саламаттыкты сактоо жана фармацевтика борбору (NNGYK) коомдук саламаттыкты сактоону коргоо, дары-дармектердин коопсуздугун камсыздоо жана илимий изилдөөлөрдү жүргүзүү боюнча адистешкен, Европанын алдыңкы борборлорунун бири болуп саналат. Бул борбор саламаттыкты сактоо системасын өнүктүрүүдө, дары-дармектерди жана медициналык буюмдарды эл аралык стандарттарга ылайык баалоодо жана эпидемиологиялык изилдөөлөрдү жүргүзүүдө маанилүү ролду ойнойт.
Сапардын жүрүшүндө, Өзбекстандын делегациясы Венгриянын Улуттук коомдук саламаттыкты сактоо жана фармацевтика борбору (NNGYK) алдыңкы лабораторияларынын ишмердүүлүгү, иш процессинин өзгөчөлүктөрү, технологиялык чечимдери жана квалификациялуу кадрларды даярдоо программалары менен таанышты. Иш сапардын учурунда алынган билимдерди жана тажрыйбаны, Өзбекстандын фармацевтикалык жөнгө салуу улуттук системасын өркүндөтүүдө колдонууга мүмкүнчүлүк берет.
