22.12.24

22-декабрдан 25-декабрга чейин Казакстандын Актау шаарында “Made in Uzbekistan” жарманкеси өтүп жатат.

Өзбекстандын Соода-өнөр жай палатасынын колдоосу менен уюштурулган жарманке, Өзбекстандын экспорттук мүмкүнчүлүктөрүн көрсөтүүнү, калкты сапаттуу товарлар менен камсыздоону жана эки өлкөнүн ишкерлеринин ортосунда жаңы ишкердик байланыштарды түзүүнү максат кылат.

Жарманкеге Өзбекстандын ар кайсы аймактарынан келген 50 ашуун компания катышып, тамак-аш, текстиль, кол өнөрчүлүк, булгаары, электротехника жана курулуш тармактарына тиешелүү продукцияларды сунуштоодо.

Бул иш-чара Өзбекстан продукцияларын жайылтууга, алардын атаандаштыкка жөндөмдүүлүгүн көрсөтүүгө жана Казакстан менен соода-экономикалык кызматташтыкты чыңдоого өбөлгө түзүүдө.

https://www.uzdaily.uz/ru/v-aktau-prokhodit-iarmarka-made-in-uzbekistan/