24.02.25
24-февралда Ташкент шаарында, Өзбекстан жана Түркиянын ишкер чөйрөсүнүн өкүлдөрүнүн катышуусунда B2B форматында эки тараптуу сүйлөшүүлөр өттү. Бул иш-чара, Өзбекстандын жана Анталиянын Соода-өнөр жай палаталарынын, ошондой эле Түркиянын Соода министрлигинин колдоосу менен уюштурулду.
Жолугушууга эки өлкөнүн бизнес-коомчулугунан 100 ашык өкүл, анын ичинде келечектүү 24 түрк компаниясы катышты. Кездешүүнүн алкагында жашыл энергетика, курулуш материалдары жана курулуш тармагындагы кызматташтыкты кеңейтүүгө багытталган сүйлөшүүлөр өткөрүлдү. Иш-чаранын жүрүшүндө, эки өлкөнүн ишкерлери өз долбоорлорун сунуштап, кызматташтыкты жолго коюу жана өнүктүрүү маселелери боюнча пикир алмашышты. Катышуучулар жаңы өнөктөштөрдү табуу, азыркы бизнес байланыштарын бекемдөө жана келечектүү демилгелерди талкуулоо мүмкүнчүлүгүнө ээ болушту.
