19.08.26
2025-жылдын июнь айынан 2026-жылдын июнь айына чейинки мезгилде кайра жаралуучу энергия булактары Түркияда электр энергетикасынын орнотулган кубаттуулугунун таза өсүшүнүн 88,1% пайызын камсыз кылды. Бул тууралуу «Анадолу» агенттиги өлкөнүн Энергия рыногун жөнгө салуу башкармалыгынын маалыматтарынын негизинде эсептөөлөрдү келтирди.
Түркияда электр энергетикасынын жалпы орнотулган кубаттуулугу 119 740 МВттан 126 113 МВтка чейин өсүп, болжол менен 6373 МВтка көбөйдү. Анын ичинен 5613 МВт кайра жаралуучу энергияга туура келди. Кайра жаралуучу энергетиканын кубаттуулугу 78 808 МВтка жетип, анын жалпы кубаттуулуктагы үлүшү 61,1% пайыздан 62,5% пайызга өстү.
Өсүштүн негизги кыймылдаткычтары күн жана шамал энергетикасы болду. Күн электр станцияларынын кубаттуулугу 23 573 МВттан 27 210 МВтка, шамал станцияларыныкы 13 476 МВттан 15 281 МВтка чейин көбөйдү. Бул эки булак кайра жаралуучу энергетиканын кубаттуулугунун өсүшүнүн болжол менен 97%п айызын, ал эми өлкөнүн жалпы электр энергетикалык кубаттуулугунун өсүшүнүн 85,4% пайызын камсыз кылды.
Күн энергетикасы гидроэнергетикадан кийинки экинчи орунга чыкты. Июнь айынын аягында ГЭСтердин кубаттуулугу 32,3 ГВт, күн электр станцияларыныкы 27,2 ГВт, шамал станцияларыныкы 15,3 ГВт болду. Гидро, күн жана шамал энергетикасынын жалпы кубаттуулугу 74,8 ГВтка, же өлкөдөгү жалпы кубаттуулуктун болжол менен 59% пайызына жетти.
Кубаттуулуктун өсүшү электр энергиясын өндүрүүгө да таасирин тийгизди. Электр энергиясын жалпы өндүрүү 171,3 ТВт·сааттан болжол менен 174,8 ТВт·саатка көбөйсө, кайра жаралуучу булактардан өндүрүү 81,3 ТВт·сааттан 107,5 ТВт·саатка жетип, 32,3%пайызга өстү. ВИЭнин жалпы өндүрүштөгү үлүшү 47,4% пайыздан 61,5% пайызга көтөрүлдү.
Эң чоң салымды гидроэнергетика кошту: анын өндүрүшү 67,9% пайызга өсүп, болжол менен 57 ТВт·саатка жетти. Бул жалпы өндүрүштүн 32,6%ын түздү. Шамал энергетикасынын өндүрүшү 21,5 ТВт·саатка, күн энергетикасыныкы 18,3 ТВт·саатка жетти.
Лицензияланбаган генерация объектилери да кубаттуулуктардын өсүшүндө маанилүү роль ойноду. Алардын орнотулган кубаттуулугу болжол менен 3292 МВтка көбөйүп, 25 239 МВтка жетти. Анын 96,7% пайызы күн энергетикасына туура келди. Электр энергиясынын тышкы соодасындагы оң сальдо да бекемделди: таза экспорт 45,5% пайызга өсүп, болжол менен 1,426 млн МВт·саатка жетти.
