29.01.25

Түркиянын Соода, Азербайжандын Экономика жана Өзбекстандын инвестиция, өнөр жай жана соода министрликтеринин колдоосу менен Анкарада “Түркия-Азербайжан-Өзбекстан” бизнес форуму болуп өттү.

Экономика министрлигине шилтеме берүү менен билдиргендей, иш-чараны даярдоого Түркиянын палаталар жана биржалар биримдиги (TOBB), Азербайжандын Экспортту жана инвестицияны илгерилетүү агенттиги (AZPROMO) жана Өзбекстандын Инвестицияларды илгерилетүү агенттиги да катышты.

Иш-чарага үч өлкөдөн курулуш, текстиль, фармацевтика, тамак-аш, логистика жана башка тармактардын өкүлдөрү болгон 200 жакын ишкерлер катышты.

Форумга Азербайжандын Экономика министри Микайил Жаббаров, Түркиянын Соода министри Омер Болат жана Өзбекстандын Инвестиция, өнөр жай жана соода министри Лазиз Кудратов катышты.

Жолугушууда экономикалык өнөктөштүктү өнүктүрүү, биргелешкен долбоорлорду ишке ашыруунун келечеги, кызматташтыкты тереңдетүүдө, Түрк мамлекеттер уюмунун (ТМУ) ролу талкууланды. Аталган уюмдун 11-саммитинин алкагында кол коюлган Санариптик экономика келишими, Карабах декларациясы жана Түрк инвестициялык фондунун түзүлүшү экономикалык байланыштарды чыңдоого салым кошкону белгиленди.

Катышуучулар Түркиянын Азербайжандын экономикасынын негизги инвестору экенин баса белгилешти. Азербайжан фирмалары да Түркияга инвестицияны көбөйтүүдө. Түркиянын ишканалары, Азербайжандын бошотулган аймактарын калыбына келтирүүгө активдүү катышууга жана берилген жеңилдиктерден пайдаланууга чакырышты.

Азербайжан жана Өзбекстандын ортосундагы сооданын көлөмү, ошондой эле Ортоңку коридор аркылуу транзиттик жүк ташуу дагы өсүүдө. “Азербайжан-Өзбекстан” инвестициялык компаниясынын алкагында 500 миллион долларлык капитал менен сегиз долбоор ишке ашырылууда. Физулиде жайгашкан Мирза Улугбек мектебинин жана Өзбекстандын колдоосу менен курулган Ханкендидеги тигүү фабрикасынын ачылышы өлкөлөрдүн бир туугандыгынын символу болуп калды.

https://report.az/ru/biznes/v-ankare-proshel-biznes-forum-turciya-azerbajdzhan-uzbekistan/