18.04.25
Түрк мамлекеттер уюмунун (ТМУ) Башкы катчысынын орун басары доктор Мирвохид Азимов жана Түрк мамлекеттеринин Логистикалык борборлору жана ташуучулар бирлигинин башкы катчысы Аскар Кадыров 2025-жылдын 18-апрель күнү, Стамбул шаарындагы Түрк инвестициялык фондунун (ТИФ) төрагасы Багдад Амреев жана фонддун башкы директору Рамил Бабаев менен жолугушуу өткөрүштү.
Жолугушууда тараптар, аймактагы акыркы окуялар боюнча пикир алмашып, транспорт жана логистика тармагындагы инвестицияларды көбөйтүү максатындагы биргелешкен демилгелерди талкуулашты. Түрк дүйнөсүндө транспорттук байланыштарды камсыз кылуу жана инфраструктураны өнүктүрүү боюнча макулдашылган аракеттердин маанилүүлүгүнө басым жасалды.
Мындан тышкары, Мирвохид Азимов Рамил Бабаев жана Түрк инвестициялык фондунун жогорку жетекчилери менен өзүнчө эки тараптуу жолугушуу өткөрдү. Бул жолугушууда транспорт, байланыштуулук жана логистика тармактарындагы кызматташтыкты чыңдоо жана мүчө мамлекеттердин экономикалык интеграциясына салым кошо турган инфраструктуралык долбоорлорду колдоо боюнча мүмкүнчүлүктөр каралып чыкты.
