21.05.25

Түркия акыркы жылдардагы энергия тармагындагы эң маанилүү окуялардын бирин жарыялады. Кара деңиздеги Сакаря газ кенинин аймагында жайгашкан “Гөктепе-3” скважинасында 49 күнгө созулган бургулоо иштеринин натыйжасында 75 миллиард куб метр жаратылыш газы табылды.

Түркиянын Энергетика жана жаратылыш ресурстары министрлигинин маалыматына караганда, табылган газдын баасы болжол менен 30 миллиард долларга бааланууда. Алгачкы баалоолор боюнча, бул көлөм Түркиянын ички суроо-талабын 3,5 жылга чейин камсыздай алат.

Энергетика жана жаратылыш ресурстары министри Алпарслан Байрактар бул аймактагы өнүктүрүү иштерин ылдамдатуу пландалып жатканын жана өнөр жай көлөмүндө өндүрүштү эң кыска убакыттын ичинде баштоо чечими кабыл алынгандыгын билдирди. Жаңы ачылыш, Түркиянын энергияны импортуна кеткен чыгымдарын кыйла азайтып, өлкөнүн аймактагы энергия боюнча маанилүү оюнчу катары позициясын бекемдейт.

Байрактар мындан тышкары, “Гөктепе-3” табылган газ кени Кара деңиздин энергия потенциалын дагы бир жолу далилдегенин жана Түркиянын энергетикалык инфраструктурасындагы жетишкендиктеринин бир белгиси экенин белгиледи.

https://turanews.kz/tr/news/turkiye-karadenizde-yeni-dogal-gaz-rezervi-kesfetti/