26.11.25
Түркия дүйнөдөгү эң ири чечевица импорттоочулардын бири бойдон калууда. 2024-жылы өлкө 141 миң тонна жасмык сатып алган, ал эми 2025-жылдын алгачкы тогуз айында жеткирүүлөрдүн көлөмү 226,8 миң тоннага чейин өсүп чыкты.
Тараптардын айтымында, казакстандык чечевицага болгон суроо-талап анын жогорку сапатына, туруктуу жеткирүүлөрүнө жана натыйжалуу логистикалык маршруттарына байланыштуу өсүүдө.
Корпорациянын башкармалыгынын биринчи төрага орун басары Ильдар Исмагуловдун маалыматы боюнча, Казакстан айдоо аянттарын диверсификациялоо саясатын улантып жатат жана бул багытта реалдуу натыйжалар байкалууда. 2025-жылы буурчак өсүмдүктөрүнүн түшүмү биринчи жолу 1 миллион тоннан ашты, анын болжол менен 80% пайызы чечевицага туура келди. КорпорацияТүркиянын муктаждыктарын эске алуу менен узак мөөнөттүү келишимдердин алкагында дандык буудайды, ошондой эле буурчак жана май өсүмдүктөрүнүн кеңири ассортиментин жеткирүүгө даяр. Жолугушуу учурунда тараптар резервдерди башкаруу, рынокту жөнгө салуу, сатып алуу кампаниялары жана экспорттук жеткирүүлөрдү уюштуруу боюнча тажрыйба алмашышты.
Түркиянын Дан агенттиги (TMO) Казакстандагы “Азык-түлүк келишимдик корпорациясынын” функцияларына окшош милдеттерди аткарат: дан өндүрүшүн каржылоо, мамлекеттик резервге сатып алууларды жүргүзүү жана ички рынокто баанын туруктуулугун камсыз кылуу.
