02.03.26
Түркмөнстандын Соода-өнөр жай палатасынын төрагасы Мерген Гурдов жана Өзбекстандын Түркмөнстандагы элчиси Равшанбек Алимов эки тараптуу жолугушуу өткөрүштү.Көрүшмө учурунда тараптар, Түркмөнстан жана Өзбекстандын жеке ишкерлеринин өкүлдөрүнүн ортосунда түз байланыштарды активдештирүү жана биргелешкен демилгелерди ишке ашыруу үчүн жагымдуу шарттарды түзүү маселесин талкуулашты. Бул тууралуу жекшемби күнү “Дунё” маалымат агенттиги билдирди.
Сүйлөшүүлөрдүн жүрүшүндө тараптар, эки өлкөнүн ишкер чөйрөлөрүнүн ортосундагы соода-экономикалык кызматташтыктын учурдагы абалын жана аны кеңейтүүнүн келечегин талкуулашты.
Өзгөчө көңүл 2026-жылы Түркмөнстан менен Өзбекстандын ишкерлеринин катышуусунда өтө турган бир катар эки тараптуу иш-чараларды өткөрүү пландарына бурулду. Алардын катарында “Түркмөнстан-Өзбекстан” ишкерлер кеңешинин бешинчи жыйынын уюштуруу жана биргелешкен бизнес-форумдарды өткөрүү бар.
Жолугушуунун катышуучулары эки мамлекеттин аймагында өтүүчү көргөзмөлөргө жана форумдарга чакан жана орто бизнестин өкүлдөрүнүн өз ара катышуусун камсыз кылуу маселелерин талкуулашты. Көргөзмө-жарманке ишмердүүлүгүн өнүктүрүү, түз өнөктөштүк байланыштарды түзүүгө жана өз ара соода көлөмүнүн өсүшүнө өбөлгө түзөрү белгиленди. Буга чейин Түркмөнстан менен Өзбекстандын ишканаларынын ортосунда өнөр жай кызматташтыгын өнүктүрүү маселесин дагы талкуулашкан.
