05.02.25
4-февралда Түркмөнстандын президенти Сердар Бердымухамедов Түркмөнстан тараптан Түркия менен экономикалык кызматташуу боюнча биргелешкен өкмөттөр аралык комиссиянын курамын бекитүү тууралуу жарлыкка кол койду. Бул тууралуу “Түркмөнстан: Алтын доор” электрондук гезити билдирди.
Сердар Бердымухамедов Түркмөнстан менен Түркиянын ортосундагы өз ара пайдалуу өнөктөштүктү ырааттуу курууну көздөгөн документке кол койду.
Эскерте кетсек, 19-февралдан 20-февралга чейин экономикалык кызматташтык боюнча Түркмөнстан-Түркия өкмөттөр аралык комиссиясынын сегизинчи жыйыны болуп өтөт. Сүйлөшүүлөрдүн негизги предмети, соода-экономикалык жана маданий-гуманитардык чөйрөлөрдө өлкөлөрдүн ортосундагы көп кырдуу өз ара аракеттенүүнү мындан ары өнүктүрүү маселелери болмокчу.
